Cozy Malozy varð til útfrá lítlli hugmynd en ég, Erla, hef lengi elskað ilmkerti og þá stemningu sem þau skapa – rólega stund, lifandi ljós og góðan ilm sem fyllir hvert rými. 

Eftir að hafa kveikt ótal kerti kviknaði hjá mér spurning: væri hægt að búa til kerti sem væri ekki bara fallegt og ilmandi, heldur líka hugsað til framtíðar og endurnota umbúðir sem falla frá eða hægt að endurnýta.

Úr þeirri hugsun fæddist Cozy Malozy.

Kertin koma í fallegum en einföldum umbúðum sem hægt er að nota aftur og aftur – fylla á, endurnýta og njóta áfram. Þannig fær hvert kerti lengra líf og verður hluti af heimilinu, ekki bara augnablik.

Hvert Cozy Malozy kerti er handgert úr vistvænu sojavaxi og vandlega völdum ilmum sem skapa hlýja og notalega stemningu.

Cozy Malozy er því ekki bara kerti. Það er falleg stund af hlýju og endurnýtingu – aftur og aftur.